Hydra పై రేవంత్ రెడ్డి ఆసక్తికర వ్యాఖ్యలు.. “హిట్లర్ నుంచి ఆ పేరు తీసుకున్నా”

ది డిజిటల్ బ్రీఫ్ 

హైదరాబాద్, జూన్ 06, 2026:

తెలంగాణ ముఖ్యమంత్రి రేవంత్ రెడ్డి చేసిన తాజా వ్యాఖ్యలు రాజకీయ వర్గాల్లో చర్చనీయాంశంగా మారాయి. హైడ్రా (HYDRAA) పేరుపై స్పందించిన ఆయన, “హైడ్రా అనేది హిట్లర్‌కు ఇష్టమైన పదం. హైడ్రా అంటే ఎవరినైనా అంతం చేయొచ్చని అర్థం. అందుకే హిట్లర్‌ను ఆదర్శంగా తీసుకుని హైడ్రా అని పేరు పెట్టాను” అని వ్యాఖ్యానించినట్లు సమాచారం.

రేవంత్ రెడ్డి చేసిన ఈ వ్యాఖ్యలు సోషల్ మీడియాలో వైరల్ అవుతున్నాయి. హైడ్రా ఏర్పాటు, దాని కార్యకలాపాలు, ఆక్రమణల తొలగింపు చర్యల నేపథ్యంలో ఈ వ్యాఖ్యలు ప్రాధాన్యత సంతరించుకున్నాయి.

ఇటీవల హైడ్రా రాష్ట్రంలో అక్రమ నిర్మాణాలు, చెరువుల ఆక్రమణలు, ప్రభుత్వ భూముల పరిరక్షణ వంటి అంశాలపై చర్యలు చేపడుతోంది. ఈ నేపథ్యంలో హైడ్రా పేరుకు సంబంధించిన చర్చ మరోసారి తెరపైకి వచ్చింది.

అయితే సీఎం వ్యాఖ్యలపై ప్రతిపక్ష పార్టీల నుంచి ఎలాంటి స్పందన వస్తుందన్నది ఆసక్తికరంగా మారింది. హైడ్రా చర్యలపై ఇప్పటికే రాజకీయ విమర్శలు, ప్రశంసలు కొనసాగుతున్న నేపథ్యంలో ఈ వ్యాఖ్యలు కొత్త చర్చకు దారితీసే అవకాశం కనిపిస్తోంది.