విజయ్ సీటు త్రిష దే..! రాజకీయాల్లో అరంగేట్రం చేయనున్న నటి త్రిష?

ది డిజిటల్ బ్రీఫ్
హైదరాబాద్, మే 4, 2026:

చెన్నై: తమిళనాడు అసెంబ్లీ ఎన్నికల ఫలితాల రోజున నటి త్రిష రాజకీయ అరంగేట్రంపై వార్తలు సంచలనం రేపుతున్నాయి. TVK 100కు పైగా స్థానాల్లో ఆధిక్యంతో దూసుకుపోతున్న నేపథ్యంలో.. ఇవాళ ఉదయం తిరుమల శ్రీవారిని దర్శించుకున్న త్రిష నేరుగా చెన్నై నీలన్‌కరైలోని విజయ్ నివాసానికి చేరుకున్నారు. ఇవాళే ఆమె పుట్టినరోజు కావడం గమనార్హం.

విజయ్ తిరుచ్చి ఈస్ట్, పెరంబూర్ అనే రెండు నియోజకవర్గాల్లో విజయం దిశగా దూసుకుపోతున్నారు. రెండు చోట్లా గెలిస్తే ఒక స్థానానికి రాజీనామా చేయాల్సి ఉంటుంది. ఆ ఖాళీ స్థానంలో త్రిష పోటీ చేస్తారనే ప్రచారం ఊపందుకుంది.

గతంలో టికెట్ల కేటాయింపు సమయంలో TVK నేతలు త్రిష ఇంటి వద్ద క్యూ కట్టినట్లు వార్తలు వచ్చాయి. దీన్నిబట్టి పార్టీలో ఆమె ప్రాధాన్యత అర్థమవుతోంది. అయితే మరికొందరు విజయ్ తండ్రి ఎస్.ఏ.చంద్రశేఖరన్ ఆ స్థానం నుండి పోటీ చేస్తారని చెబుతున్నారు.

ప్రస్తుతం విజయ్-త్రిష హ్యాష్‌ట్యాగ్ సోషల్ మీడియాలో ట్రెండింగ్‌లో నిలవడం గమనార్హం. త్రిష రాజకీయ అరంగేట్రంపై వస్తున్న వార్తలు తమిళనాడు రాజకీయ వర్గాల్లో తీవ్ర చర్చకు దారితీస్తున్నాయి.